SEMBRADORES DE ESTRELLAS EN OURENSE ~ Misiones de Ourense

Benqueridos amigos e amigas:

Dende a Delegación Diocesana de Misións e a Asociación Xuvenil AMENCER , queremos poñernos en contacto convosco para coordinar un ano máis a bonita campaña de " Sementadores de Estrelas".

A proposta é xuntarnos o sábado 17 de decembro ás 11.00 horas na Parroquia de María Auxiliadora para ter a celebración do envío e posteriormente seguir un itinerario común. Tamén cabe a posibilidade de que os grupos que o desexen (tanto de colexios como de catequeses parroquiais) se despracen ata o seu barrio a felicitar o Nadal. Tendo en conta que nos volveriamos xuntar todos na Praza Maior ás 13:00 h. para dar lectura a un manifesto final e cantar algunhas panxoliñas,facendo entre tódolos participantes unha estrela humana. Rematariamos sobre as 13'15 horas.

Lembrar algúns detalles de importancia a ter en conta:

Os grupos que vaiamos participar: colexios, parroquias, movementos...deberemos avisar con antelación á Delegación de Misións a efectos de organización, material. ..
Os grupos que poidan, que leven megáfonos e tamén instrumentos musicais: guitarras, pandeiretas… para animar a cantar a os rapaces e á xente que vai pasando polas rúas.
Os animadores facémonos presentes entre os rapaces, animándoos e acompañándoos durante toda a actividade; coidando o tránsito polas rúas (pasos de cebra, coches...)